BallinaKomunikatë për media

Gjuha denigruese dhe dhuna janë në kundërshtim me vlerat e garës zgjedhore

Koalicioni i OJQ-ve për vëzhgimin e zgjedhjeve “Demokracia në Veprim”, është duke përcjellë me shqetësim ballafaqimet e kandidatëve në debate publike për zgjedhjet e parakohshme parlamentare të  6 tetorit.

Liria e fjalës paraqet një ndër liritë fundamentale të njeriut, por e njëjta kufizohet në momentin e cenimit të të drejtave fundamentale të të tjerëve. Gjuha denigruese dhe seksiste e shpërfaqur në debate televizive në mes të kandidatëve, përveç që dëmton rëndë procesin zgjedhor, e minon vlerën e debatit dhe i kontribuon tensionimit të ambientit politik.

Për më tepër, dhuna e ushtruar në çfarëdo forme është e pajustifikueshme dhe e papranueshme. Aktet e dhunës dëmtojnë kredibilitetin e procesit zgjedhor, krijojnë ambient të pasigurt politik dhe rrezikojnë të nxisin përplasje qytetare.

DnV-ja u bën thirrje kandidatëve të subjekteve politike që garojnë në zgjedhjet e 6 tetorit, të përmbahen nga gjuha denigruese e seksiste, sulmet verbale dhe fizike. Subjektet politike dhe kandidatët e tyre duhet të kultivojnë vlerat bazike të demokracisë duke treguar pjekuri dhe profesionalizëm në debate dhe duke lejuar konkurrueshmëri të ideve dhe platformave.

DnV-ja fton Policinë e Kosovës, që të reagojë shpejt dhe në mënyrë efikase në qartësimin e situatave dhe në informimin e drejtë të publikut. Institucionet e sigurisë duhet të garantojnë kushte për fushatë politike të qetë, me mundësi të barabarta për të gjitha subjektet politike për paraqitjen e programeve të tyre zgjedhore.

Postime të ngjajshme
BallinaKonferencat për media

Subjektet politike të garantojnë barazi gjinore në lista zgjedhore dhe trupa menaxhuese të zgjedhjeve

BallinaKonferencat për media

Rezultatet preliminare të DnV-së për zgjedhjet në katër komunat

BallinaKonferencat për media

35% e qytetarëve të katër komunave, kanë votuar deri në orën 16:00

BallinaKonferencat për media

 21% e qytetarëve të katër komunave, kanë ushtruar të drejtën e votës deri në ora 12:00

Regjistrohu në faqen tonë

Leave a Reply

Your email address will not be published. Required fields are marked *