19
Demokracia në Veprim po vazhdon me aktivitetet në terren në kuadër të fushatës vetëdijësuese për informim dhe edukim të votuesve #MeVotë për Zgjedhjet Lokale 2017.
Në qytetin e Ferizajt u mbajt aktiviteti i radhës ku mbi 40 të rinj, shumica e të cilëve do të votojnë për herë të parë në këto zgjedhje, morën pjesë në simulimin e procesit të votimit. Në këtë simulim asistuan përfaqësues të Komisionit Komunal të Zgjedhjeve të cilët ofruan shpjegimet e nevojshme për tërë procesin e votimit. Të rinjtë patën rastin të mësojnë edhe procedurën e ankesave në rast se hasin ndonjë parregullsi në ditën e zgjedhjeve.
DnV do të vazhdojë me aktivitete të ngjashme edhe në qytete të tjera të Kosovës.
